FZHUB

تصميم وبرمجة موقع شركة

تبي تصميم وبرمجة موقع شركة يعرّف العميل عليك ويثق فيك من أول زيارة، بدل موقع قديم ما تقدر تعدّله أو صفحة ما تظهر في جوجل. نبني لك موقع عربي وإنجليزي بلوحة تحكم تعدّل منها محتواك بنفسك، سواء كنت في الرياض أو أي مدينة ثانية في المملكة.

ابدأ مشروعك
01الاستلام

وش تستلم

  • موقع بالعربي والإنجليزي، يشتغل على الجوال والكمبيوتر
  • هوية بصرية إذا ما كان عندك هوية جاهزة
  • لوحة تحكم لتعديل المحتوى
  • تجهيز للظهور في جوجل: العناوين والأوصاف والسرعة
  • ربط الدومين والاستضافة، على حسابك أو نديرها لك
  • الكود المصدري بعد السداد الكامل
02السعر

وش يحدد السعر

  • عدد الصفحات واللغات
  • وجود هوية جاهزة أو الحاجة لتصميمها
  • المزايا الخاصة مثل النماذج والحجوزات والتكاملات
03الطريقة

كيف نشتغل

  1. 01

    الاكتشاف

    اجتماع مجاني نفهم فيه احتياجك ومشكلتك.

  2. 02

    العرض

    عرض مكتوب فيه النطاق والسعر والمدة والمراحل.

  3. 03

    التنفيذ

    نبرمج مرحلة مرحلة، وتشوف كل مرحلة قبل اللي بعدها.

  4. 04

    الإطلاق والدعم

    نطلق المشروع معك ونتابعه بعد الإطلاق.

05أسئلة شائعة

الأسئلة الشائعة

كم تكلفة برمجة موقع أو نظام؟

السعر يعتمد على ثلاث أشياء: عدد الصفحات أو الشاشات، والصلاحيات واللوحات، والتكاملات (دفع، شحن، أنظمة ثانية). بعد أول اجتماع يوصلك عرض بسعر ثابت لكل مرحلة، وما فيه مبالغ مفاجئة بعدها.

كم ياخذ المشروع من وقت؟

تنكتب المدة في العرض لكل مرحلة، وتتابع التقدم من «حسابي». وإذا تأخرنا أكثر من 15 يوم عن الموعد المتفق عليه بدون سبب متفق عليه، يحق لك تلغي المشروع حسب سياسة الاسترجاع.

الاستضافة والدومين عليكم ولا علي؟

الاثنين متاحين: نجهزها لك ونديرها، أو نرفع المشروع على استضافتك. وفي الحالتين الدومين يكون باسمك ويبقى ملكك.

تقدرون تطورون موقعي الحالي بدل ما نبنيه من الصفر؟

إيه، نراجعه أول ونقول لك بصراحة: هل التطوير أوفر لك أو البناء من جديد. أحيانًا التطوير يكفي، وأحيانًا الترقيع يكلف أكثر.

هل الكود المصدري يصير ملكي؟

إيه. بعد السداد الكامل ينتقل لك الكود المصدري لمشروعك المخصص، ما لم يُتفق على غير كذا في العرض. هذا ما يشمل منتجاتنا الجاهزة مثل مدخال، لأنها اشتراك.

وش أحتاج أجهز قبل ما أطلب؟

يكفي تعرف المشكلة اللي تبي تحلها ومين بيستخدم النظام. وإذا عندك أمثلة لمواقع تعجبك، أو شعار، أو ملفات إكسل تشتغل عليها الحين، جيبها معك وتختصر وقت كثير. والباقي نرتبه معك في الاجتماع.