كيف نقدر نساعدك؟

FZHUB نشاط تقني سعودي موثّق بوثيقة عمل حر في هندسة البرمجيات، رقم FL-353337537. يعني تتعامل مع جهة رسمية، والفواتير تصدر باسم FZHUB. واللي يحلل مشروعك هو نفسه اللي يبرمجه ويتابعه بعد الإطلاق، مو وسيط يحوّله لطرف ثالث.

كل مشروع له عرض مكتوب فيه النطاق والسعر والمدة والمراحل، وتوقّعه قبل ما نبدأ. والدفع على مراحل، فما تدفع على شي ما شفته. وحقوقك في الإلغاء والاسترجاع مكتوبة في سياسة الاسترجاع ومبنية على نظام التجارة الإلكترونية.

إيه، تقدر تدخل على كاف لتنظيم المعارض والمؤتمرات و EL Store بنفسك وتشوفها شغالة. وكل منتجاتنا طلعت من مشاكل حقيقية واجهناها في بيئات عمل فعلية، مو أفكار على ورق.

نخدم كل مناطق المملكة. الاجتماعات أونلاين عبر رابط يوصلك على إيميلك، والمتابعة من «حسابي»، فمكانك ما يفرق.

السعر يعتمد على ثلاث أشياء: عدد الصفحات أو الشاشات، والصلاحيات واللوحات، والتكاملات (دفع، شحن، أنظمة ثانية). بعد أول اجتماع يوصلك عرض بسعر ثابت لكل مرحلة، وما فيه مبالغ مفاجئة بعدها.

تنكتب المدة في العرض لكل مرحلة، وتتابع التقدم من «حسابي». وإذا تأخرنا أكثر من 15 يوم عن الموعد المتفق عليه بدون سبب متفق عليه، يحق لك تلغي المشروع حسب سياسة الاسترجاع.

يكفي تعرف المشكلة اللي تبي تحلها ومين بيستخدم النظام. وإذا عندك أمثلة لمواقع تعجبك، أو شعار، أو ملفات إكسل تشتغل عليها الحين، جيبها معك وتختصر وقت كثير. والباقي نرتبه معك في الاجتماع.

إيه. بعد السداد الكامل ينتقل لك الكود المصدري لمشروعك المخصص، ما لم يُتفق على غير كذا في العرض. هذا ما يشمل منتجاتنا الجاهزة مثل مدخال، لأنها اشتراك.

المشروع مقسم على مراحل، ولكل مرحلة رابط دفع إلكتروني يوصلك بعد ما توافق عليها. تدفع الدفعة الأولى ونبدأ، والباقي مع تسليم كل مرحلة. وكل دفعة لها فاتورة في «حسابي».

تشوف كل مرحلة قبل ما تدفع اللي بعدها، فتقدر تعدّل بدري. وإذا قررت توقف بعد البدء، يُخصم مقابل اللي انتهى ويرجع لك الباقي. التفاصيل في سياسة الاسترجاع.

لا. نطلق المشروع معك. وبعدها تقدر تستلم كل شي وتكمل بنفسك.

الاثنين متاحين: نجهزها لك ونديرها، أو نرفع المشروع على استضافتك. وفي الحالتين الدومين يكون باسمك ويبقى ملكك.

إيه. نوقّع معك اتفاقية سرية (NDA) قبل ما تشاركنا تفاصيل فكرتك، وفكرتك ما تنعرض لأحد ولا تنستخدم في مشروع ثاني.

إيه، نراجعه أول ونقول لك بصراحة: هل التطوير أوفر لك أو البناء من جديد. أحيانًا التطوير يكفي، وأحيانًا الترقيع يكلف أكثر.

الاجتماع المجاني لمناقشة مشروع تبي تنفذه معنا: نفهم احتياجك ونرسل لك عرض. أما الاستشارة فساعة كاملة مخصصة لفكرتك أو مشروعك، تطلع منها بخطة واضحة سواء نفذت معنا أو مع غيرنا، وسعرها 250 ر.س للساعة.

نراجع فكرتك وملفاتك قبل الموعد، وتطلع من الجلسة بثلاث أشياء:

• تقييم صريح للفكرة وجدواها التقنية.
• الحل الأنسب: جاهز، أو مبرمج، أو الاثنين.
• خطوات عملية وتقدير مبدئي للتكلفة والمدة.

أرسل فكرة المشروع وكل الملفات الداعمة على الإيميل أو الواتساب قبل الموعد بـ 24 ساعة على الأقل، عشان نجي للجلسة وإحنا فاهمين وضعك. وإذا ما وصلتنا في الوقت، نأجل الموعد أو نرجع لك المبلغ.

لا. تشتري بإيميلك ويوصلك كود التفعيل عليه. تحتاج دسكورد بس لما تفعّل البوت على سيرفرك.

إيه، البوتات تشتغل على سيرفراتنا، فما تحتاج استضافة ولا تشغيل ولا مفاتيح. وإذا صار أي توقف تشوفه في حالة الأنظمة ونعلن عنه في سيرفر FZHUB.

المجانية نسخة دائمة بالمزايا الأساسية، مو تجربة تنتهي. وإذا احتجت المزايا الكاملة تترقى في أي وقت، وإعداداتك تبقى مثل ما هي.

إيه. الكود يشتغل على سيرفر واحد بنفس الوقت، وتقدر تنقله من «حسابي ← بوتاتي» بدون ما تشتري من جديد.

كل بوت ياخذ الصلاحيات اللي يحتاجها لعمله بس، ويقرأ اللي يلزمه عشان ينفّذ مزاياه، مثل رسائل روم التذاكر لبوت التذاكر. ما نبيع البيانات ولا نشاركها، والتفاصيل في سياسة الخصوصية.

البوت يكمل شغله لين نهاية المدة اللي دفعتها، بعدها يرجع للنسخة المجانية وإعداداتك محفوظة. وإذا ألغيت خلال 7 أيام والكود ما تفعّل، يرجع لك المبلغ كامل.

إيه، اطلب بوت خاص واكتب وش تبي يسوي، ويوصلك عرض بالسعر والمدة. والبوت الخاص نشغّله لك على سيرفراتنا، أو تستلم كوده حسب الاتفاق.

لا. البوتات الجاهزة خدمة نشغّلها وندعمها لك، وهذا اللي يخليها تتحدث وتشتغل بدون ما تتعب فيها.

FZ Icons مكتبة أيقونات ثابتة ومجانية. FZ Icons Pro فيها 113 أيقونة متحركة بثلاثة أنماط (خطي، ثنائي اللون، مصمت)، كـ Web Component وملفات SVG، وتشتريها مرة وحدة.

لأنها ملفات رقمية تنحمّل فورًا، ما تُسترجع بعد التحميل إلا إذا فيها عيب ما قدرنا نصلحه. عشان كذا جرّب FZ Icons المجانية قبل، وتشوف الأسلوب والجودة.

مدى وفيزا وماستركارد و Apple Pay، دفع إلكتروني آمن بالريال السعودي. وبيانات بطاقتك ما تنحفظ عندنا أبدًا.

أسعارنا حاليًا غير خاضعة لضريبة القيمة المضافة. والسعر اللي تشوفه قبل زر الدفع هو اللي تدفعه.

توصلك على إيميلك مباشرة بعد الدفع، وتلقاها في «حسابي ← فواتيري» كملف PDF.

إيه للاشتراكات الشهرية والسنوية، بعد موافقتك على حفظ البطاقة وقت الدفع. نرسل لك تنبيه قبل التجديد، وتقدر تلغي أو تغيّر باقتك من «حسابي» في أي وقت.

تأكد من مجلد الرسائل غير المرغوبة (Spam). وكل التفاصيل موجودة في «حسابي»، ومنها تقدر تعيد إرسال الإيميل. وإذا ما زالت المشكلة، افتح تذكرة.

لأي منشأة تبيع تذاكر أو تستقبل حجوزات: منتجعات، فعاليات، ملاهي، مزارع. العميل يحجز ويدفع أونلاين، ويدخل بـ QR من جواله.

لا. ماسح البوابة يشتغل من الجوال، فأي موظف عنده جوال يقدر يتحقق من التذاكر.

لحسابك مباشرة. كل منشأة تربط بوابة الدفع الخاصة فيها، ومدخال ما يمسك فلوس عملائك.

مدخال في مرحلة الإطلاق. سجّل في قائمة الانتظار ونبلغك أول ما يفتح، أو اطلب عرض توضيحي ونوريك النظام شغال.