حلول تقنية مصممة لشغلك، ونشغّلها معك بعد الإطلاق.

FZHUB نشاط تقني سعودي موثّق بوثيقة عمل حر في هندسة البرمجيات، رقم FL-353337537. يعني تتعامل مع جهة رسمية، والفواتير تصدر باسم FZHUB. واللي يحلل مشروعك هو نفسه اللي يبرمجه ويتابعه بعد الإطلاق، مو وسيط يحوّله لطرف ثالث.

كل مشروع له عرض مكتوب فيه النطاق والسعر والمدة والمراحل، وتوقّعه قبل ما نبدأ. والدفع على مراحل، فما تدفع على شي ما شفته. وحقوقك في الإلغاء والاسترجاع مكتوبة في سياسة الاسترجاع ومبنية على نظام التجارة الإلكترونية.

السعر يعتمد على ثلاث أشياء: عدد الصفحات أو الشاشات، والصلاحيات واللوحات، والتكاملات (دفع، شحن، أنظمة ثانية). بعد أول اجتماع يوصلك عرض بسعر ثابت لكل مرحلة، وما فيه مبالغ مفاجئة بعدها.

تنكتب المدة في العرض لكل مرحلة، وتتابع التقدم من «حسابي». وإذا تأخرنا أكثر من 15 يوم عن الموعد المتفق عليه بدون سبب متفق عليه، يحق لك تلغي المشروع حسب سياسة الاسترجاع.

المشروع مقسم على مراحل، ولكل مرحلة رابط دفع إلكتروني يوصلك بعد ما توافق عليها. تدفع الدفعة الأولى ونبدأ، والباقي مع تسليم كل مرحلة. وكل دفعة لها فاتورة في «حسابي».

إيه. بعد السداد الكامل ينتقل لك الكود المصدري لمشروعك المخصص، ما لم يُتفق على غير كذا في العرض. هذا ما يشمل منتجاتنا الجاهزة مثل مدخال، لأنها اشتراك.