كيف أفعّل البوت بكود التفعيل؟

بعد الدفع يوصلك إيميل فيه رقم الطلب وكود التفعيل. الكود خاص باشتراكك ويشتغل على سيرفر واحد، وعندك طريقتين لتفعيله.

الطريقة الأولى: من داخل السيرفر

1. أضف البوت لسيرفرك من رابط الإضافة الموجود في إيميل الطلب.
2. افتح أي روم كتابي في السيرفر.
3. اكتب الأمر /activate، والصق الكود في خانة code.
4. أرسل الأمر، وبيرد عليك البوت برسالة تأكيد ما يشوفها غيرك.

لازم يكون عندك صلاحية Manage Server في السيرفر، وإلا ما يقبل البوت الأمر.

الطريقة الثانية: من «حسابي»

1. ادخل حسابي واربط حساب دسكورد.
2. اختر الاشتراك، ثم اختر السيرفر من قائمة سيرفراتك.
3. أضف البوت من الرابط اللي يظهر لك إذا ما كان موجود في السيرفر.

إذا رفض البوت الكود، تلقى معنى كل رسالة وحلها في صفحة التفعيل. وإذا ضاع منك الكود، تلقاه في حسابي أو تقدر تطلب إرساله مرة ثانية من هناك.